Leonova

Here

2011-01-11T16:22:00.000+01:00

Technorati Tags: 2011,Wislawa Szymborska,Here,Среќна Нова

Го отворив прозорецот,

ги истуркав остатоците од 2010,

и направив место да ја пречекам свежината на новото…

Подобро да биде подобра!

2010? Како и секоја година. За некого добра, за некого – никогаш повеќе да не се повтори!.

Ми се чини дека не паметам досега, луѓето, толку многу да посакувале да ја пензионираат годината што изминува.

Не сум песимист по природа, напротив, голем оптимист сум. И реалист. А реалистот во мене вели:

Да ги толерирам будалите со поголемо задоволство, само доколку ова не ги поттикне да ми одземаат се’ повеќе и повеќе време. (James Agate).

Пред нас е исправена 2011, обвиткана во мистерија. Каква ли е?

Онаква каква што ќе си ја направиме. Од самите нас зависи.

Гласот на страстта е подобар од гласот на разумот. Оние, нестраствените, неможат да ја сменат историјата. (Czeslaw Milosz)

Да се биде свој, во еден свет кој се труди, дење и ноќе, да те направи било кој, значи да се бие најтешката битката која еден човек може да ја води, и никогаш да не престане да се бори. -E.E. Cummings.

Бидете свои, бидете едноставни, затоа што:

“Едноставните работи во животот ни помагаат да не полудиме”. - (Ruskin Bond)

За прв пост годинава, одлучив да ве почастам со прекрасна поезија.

Ја открив неодамна. Wislawa Szymborska. Моќно!

Една од нејзините поеми, објавени неодамна во новата збирка поезија “Here”. (оригиналот е овде, кој има желба може да ја преведе и препее многу подобро од мене)

ОВДЕ

Не знам за другите места,

но овде, на Земјава, има од се’ по нешто.

Овде се прават столици, тага,

ножици, виолини, нежност, транзистори,

брани, вицови, шољи за чај.

Можеби на некое друго место има од се’ повеќе,

но, од некоја причина, таму нема слики,

катодни цевки, кнедли, марамичиња за солзи.

Овде, има многу места со убава околина.

Некои од нив, особено ќе ви се допаднат,

именувајте си ги по ваше,

и заштитете ги од злото.

Можеби и некаде наоколу има слични места,

но никој не ги смета за убави.

Можеби, како нигде на друго место, или можеби само на неколку,

овде си имаме сопствено тело,

со сите потребни алатки,

да ги додадме нашите деца до децата на останатите.

А покрај тоа, вашите раце, нозе и зачудените глави.

Овде незнаењето тешко успева,

постојано се мери, споредува, пребројува,

се носат заклучоци, се решаваат квадратни корени.

Знам, знам што мислите.

Ништо овде не е вечно,

бидејќи се’ е во моќта на елементите.

Но, приметете – елементите брзо се заморуваат

и понекогаш им треба долг одмор,

за нареден пат.

И знам, што друго си мислите.

Војни, војни, војни.

Но, дури и помеѓу нив се случуваат паузи.

Внимание – луѓето се лоши.

Смирено – луѓето се добри.

Кога внимаваме, создаваме пустелии,

кога сме смирени, со потта на нашите веѓи градиме куќи

и живееме брзо во нив.

Животот на земјата станува ефтин.

На пример, за соништата, не плаќате ни паричка.

За илузиите, само кога се изгубени.

За поседување тело – само со телото.

И како ова да не е доволно,

па без билети се вртиме на вртелешка околу планетите,

а заедно со нив, повторно без пари, во виулиците на галаксиите,

низ вековите кои се за восхит,

дека ништо овде, на Земјава не може да го згрчи времето.

Зошто, погледнете убаво:

масата си стои онаму каде што си стоела

а на масата хартија, токму онака како што била оставена,

низ подотворениот прозорец, малку воздух,

а на ѕидот нема страшна пукнатина,

низ која можеш да бидеш оддуван во небиднина.

- Wislawa Szymborska-

СРЕЌНА ВИ НОВА 2011 БЛОГЕРИ!

Леонова

ИСТРАЖИ ЈА ДРЕВНА МАКЕДОНИЈА

2010-05-27T00:41:00.001+02:00

Оваа турнеја ви ги открива и комбинира Западна Бугарија со северниот дел на Грција и оригиналната поранешна Југословенска Република Македонија и го истражува минатото на Древна Македонија, некогаш моќна освојувачка цивилизација на Александар Велики, преку споредба на културните разлики.

Ова се предели на планини, традиционална народна музика и занаети, планински села, длабоко вкоренета култура, и поинаков начин на живот. Откако ќе ја разгледаме Софија, како што навлегуваме и преминуваме во Источна Македонија, ќе уживаме во предели кои го одземаат здивот, каде што ќе преспиеме во манастир од 12 век, Св. Јоаким Осоговски. Патот понатаму не носи во Скопје, главниот град на Македонија, откаде што ќе заминеме кон Националниот Парк Маврово, пред да свртиме кон долината на драматичниот Црн Дрим на патот кон Охридското Езеро. Глетката е едноставно возвишена, со драматични планински пејсажи кои ги обвиткуваат нежните води на езерото. Преминувајќи го преминот Ливада, на патот преку Националниот Парк Галичица, полека ќе се спуштиме на бреговите на Преспанското езеро и стариот Македонски град Хераклеја (основан од Филип II, татко на Александар), пред да тргнеме кон планините каде што ќе ја поминеме нашата последна ноќ во Македонија, во Националниот Парк Пелистер. Кога ќе преминеме во Грција, нашата следна станица е Пела, родното место на Александар Велики, пред да пристигнеме во раздвижената метропола Солун. Патување со брод долж брегот на Атос, Света Гора, познатото место каде се повлекувале монасите, еднодневно патување со траект до островот Тасос, и посета на древниот Филипи ќе го заокружи нашето патување низ Северна Грција. На крај, на пат кон Софија, ќе уживаме во Рилскиот Манастир.

Вака познатиот тур оператор од Велика Британија, Explore ја рекламира својата тура, наречена ДРЕВНА МАКЕДОНИЈА.

Попладнево се сретнав со две госпоѓи од New Jersey, кои се дел од групата од оваа тура. Пристигнале вчера во Скопје, утре веќе заминуваат во Охрид, каде што ќе поминат 3 дена. Денес имале организирана посета на Матка, и попладнето им беше слободно. Ги прошетав по центарот и низ Стара Чаршија. Бараа да купат нешто автентично, наше, Македонско, изработено тука, во Македонија. Со големо упорност прашуваа како се изработени сувенирите, дали се навистина наши, Македонски. Се одушевија од нашето тавче гравче, печените пиперки, а за патлиџаните рекоа дека досега во животот не пробале патлиџани со толку добар вкус.

Природата на работата ми е поврзана со работа со странци. Многумина од нив, кои почесто доаѓаат, велат дека овде е рајот, и многу често им ја препорачуваат Македонија, како можна дестинација на своите пријатели. Некои од нив дури се регистрираа како тур оператори во своите земји, како би привлекле поголем број туристи во земјава.

Постои ли некаков обид да се идентификуваат странските тур оператори, да се таргетираат, да се оствари соработка? Да се настапи координирано и организирано.

Црната и белата кутија

2010-05-13T01:20:00.001+02:00

Technorati Tags: црна,бела,кутија,приказна

Приказната вели, дека некогаш одамна, живеел некој многу сиромашен човек. Тој имал син единец кого многу го сакал. Го научил да чита и да пишува. Во тоа време, ретки биле тие што знаеле да читаат и пишуваат.

Старецот, на денот кога умирал, го повикал синот и му дал две кутии – бела и црна, и му рекол:

За жал, немам ништо друго да ти оставам освен овие две кутии. Кога ќе ти биде многу тешко во животот, кога ќе мислиш дека повеќе не можеш да издржиш, отвори ја белата кутија. А црната отвори ја тогаш кога ќе ти биде добро во животот.

Младото момче достојно го испратило татка си, го спакувал она малку што го поседувал и тргнал во белиот свет. Работел секакви работи, спиел под отворено небо, станал уморен и очаен. Со печело сонцето, го мрзнеле мразовите, го носеле водите. Рацете му огрубеле, лицето му се наполнило со брчки. Неможел повеќе да издржи. Решил да се убие. Легнал на земјата, ги склопил рацете да му се помоли на Бога, и тогаш под појасот, зашиени за пантолоните, ги осетил двете мали кутии што му ги дал татко му. Се потсетил на татковите зборови:

Кога ќе ти биде најтешко во животот и кога кога ќе мислиш дека повеќе не можеш да издржиш, отвори ја белата кутија.

Ја отворил белата кутија. Во неа, на ливче, го препознал ракописот на татко му:

Ова ќе помине!

Ја разбрал пораката. Се стокмил, и тргнал накај најблискиот град. Таму, пред големите порти на градот, стоеле еден куп луѓе и не можеле да влезат внатре, бидејќи никој не знаел да прочита што пишува на вратата. Тој се доближил до портата, ја прочитал на глас пораката и поминал. Поминале и селаните. Неколку денови лутал по градот, барајќи работа, кога му пришол еден човек и му рекол:

На мојот газда му треба писар, селаните ми рекоа дека си знаел да читаш и да пишуваш.

Така добил работа како градки писар. Работел поштено и чесно, но многу напорно. Со тек на време станал познат и признат писар. Се стекнал со имот, се оженил со млада и убава девојка. Создал свое семејство, своите синови ги научил на пишуваат и да читаат. Бил среќен.

И тогаш се сетил на својот татко, и на двете кутии. Ја извадил црната кутија. Во неа, повторно ливче, со ракописот од татко му:

И ова ќе помине!

СЕКИРАЦИИ

2010-04-17T22:50:00.001+02:00

Се сеќавате на песната на Bobby McFerrin "Don't Worry, Be Happy"?

Се грижиме за се’. За поскапиот бензин, за високите цени, за немаштијата, работата, љубовта, бракот, децата, родителите .....треба ли уште да набројувам? Споменете било што, и одма ќе најдете неко кој се грижи за тоа.

Некој човек, Петко, кој се грижел за се’ и сешто, дошол до генијална идеа да си вработи друг, човек Станко, кој ќе се грижи наместо него. Станко требало да се грижи и секира за сите непријатни моменти кои биле дел од животот на Петко. Тој се грижел за се’. А Петко му плаќал многу пари за тоа. Кога го прашале Петко – Како е? Се грижи ли Станко доволно добро наместо тебе? Да, одговорил Петко. А од каде наоѓаш толку многу пари за да му плаќаш? Ееее, тоа ми е најголемата грижа во моментов – одговорил Петко.

Грижата троши многу емоционална енергија. Дали сте анализирале колку малку всушност од работите за кои се грижиме навистина се случуваат? Според една анкета, 40% од работите за кои се грижиме воопшто и не се случуваат; 30% од грижите се однесуваат на минатото, и тука ништо не можеме да промениме. 12% од грижите се насочени кон други луѓе, се грижиме за нив, а најчесто тоа и не е наша работа. Само 8% од работите за кои се грижиме се вистински грижи.

При поход во Индија, војниците на Александар Македонски фатиле неколку монаси кои го подбуцнувале народот против него. Кога ги донесле пред Александар, тој прашал еден од нив: Кажи ми, што е помоќно – животот или смртта? Монахот одговорил: Животот е помоќен од смртта затоа што животот со себе носи нечесност и неправда и истите ги толерира. Одговорот на монахот можеби се чини чуден, но вистинит. Патењето, неправдите, љубовта, омразата и многу други работи се директно или индиректно поврзани со човештвото, и тиа добиваат на своето значење само кога сме живи.

Животите кои ги живееме се всушност фокусирани околу општеството. Од таму и грижите. Се оптеретуваме со секакви негативни влијанија, ревносно ги следиме прес конференциите на партиите, сите вести започнуваат со вести за земјотреси, жртви, несреќи, кавги. Од кога не сте чуле некоја добра вест? Сестра ми вели: не ми е јасно за кого композиториве прават весели песни, зарем има уште расположени луѓе кои ги слушаат? Ме насмеа, но и ме замисли.

Грижете се ако морате, но нели би било подобро наместо тоа да слушнете некоја добра песна, да си направите колачи, да ја излижете лажицата со кремот од колачите, да прочитате некоја добра книга. Направете разлика помеѓу МОРАМ и САКАМ.

Грижете се ако сакате, но немате премногу време...напијте се добро ладно пиво, прошетајте се покрај реката, уживајте во убавините на природата, дружете се со пријателите, смејте се.

Промени се случуваат кај секој од нас. Тие се насекаде. Ни се менуваат животите. Делумно заради самите нас, а делумно заради милион околности околу нас.

Сјајот и среќата во очите на децата...сте ги виделе? Го паметите тоа чувство денес? Лесно е да се заборави. Тешко е да го вратиме.

Сите сме патници низ животот. И живееме серија животи пред да умреме. А најдобро на што можеме да се надеваме е дека нема да се предадеме. Затоа што животот не е фер, тој е таков каков што е. Еден ден кога ќе не нема, Сонцето пак ќе си изгрева на исток, ќе си заоѓа на запад. А до тогаш....треба да го живееме моментот.

Сите ние имаме визија за тоа каква сакаме да ни биде иднината, и имаме спомени. А ние сме негде помеѓу овие две. Заглавени. И тука лежи суштината на живеењето.

Сакав да кажам….. Don't Worry, Be Happy

Bobby McFerrin - Don't Worry Be Happy
Uploaded by jpdc11. - See the latest featured music videos.

Животите кои ги живееме

2010-04-17T22:45:00.000+02:00

Чепкајќи по некои философски теории, налетав на една, Збирна Теорија за личноста на David Hume, која вели дека личноста не е ништо друго туку серија на перцепции. Некои ја објаснуваат како концепт кој вели дека човекот не живее еден континуиран живот, туку наместо тоа, тој, човекот, искусува серија на мали, поединечни пакети живот, еден по друг. Всушност, теоријата вели дека секоја личност живее серија животи.

Секогаш, кога ми се случува некоја промена во мојот живот, се потсетувам на оваа теорија. На пример, природата на работата која ја работам, често ме сместува во нови ситуации. Така, еден живот ми завршува, а ми започнува нов. При тоа, се менуваат многу работи – се случуваат некои нови вреднувања, нови луѓе, нови навики. Сосема нов живот. А јас во главната улога.

Верувам дека кога би требало да си го поделите животот на повеќе животи, повеќето од вас би започнале на сличен начин:

Живот како бебе – животот на кој не се сеќавам.

Потоа, секој од нас почнува да се разгранува во својот сопствен, единствен начин на живот – живот кој никој друг не го живеел на точно ист начин претходно, ниту пак во иднина. Сам ваш!

Следниот живот е животот на мало дете. Интересно, се сеќавам само не некои работи, и тоа повеќе од фотографии, приказни. Потоа следат животите во школо, во средно, на факултет. Сите различни. Не ми е планот овој пост да го претворам во опис на мојот живот. Само сакам да кажам дека досега сум живеела повеќе различни животи. Некои од нив се релевантни, некои се ирелевантни, но сите се завршени, со исклучок на оној кој го живеам сега.

Се сеќавам на животот кога бев средношколка. Краток. Но, сосема поинаков, со други интереси, други соништа, некои други луѓе. Се разбира, има и преклопувања, но воглавно, тоа е некоја поранешна верзија од мене самата. Јас, со некоја поинаква перцепција.

Фасцинантно. Лична еволуција. Од секогаш ме интересирала оваа тема. Таа и во многу влијае врз овој блог. Па кога ќе ги поврзам овие работи, некако само по себе ми доаѓа идеата дека всушност станува збор за рестартирање на животот. Почеток на нов.

Ако го сфатите овој концепт, обидете се да го погледнете следниот чекор. Слободно можете да речете дека секој ден е друг живот. Секое будење е како раѓање. Се друго е зад вас. Што и да било, поминало. Ништо што ќе направите денес нема да го промени она што веќе поминало.

Но, она што е многу потешко, отколку што се чини, е како сеќавањата имаат способност да ве натераат да мислите за минатите времиња. Добивате желба да се сместите пак таму некаде назад, па дури и да си помислите...ех...да знаев тогаш.....

Секој ден е нова можност, а на тој начин можеме да си го оствариме она што го посакуваме. Не е лесно да си го престроиме менталитетот – но, тешко е на почеток, кога е потребна постојана посветеност, ентузијазам и концентрација. Кога веќе сте изградиле некаков моментум, ќе се најдете себе си среде живот кој е целосно исполнет. Верувајте ми.

Сакав само да кажам дека ми се случува промена.

Логика

2010-04-17T22:43:00.002+02:00

Со вежбање се постигнува совршенство Но, бидејќи никој не е совршен Зошто да вежбам? Ако е точно дека секогаш треба да им помагаме на останатите, Тогаш, што прават тие, останатите? Позади секој успешен маж стои жена Позади секој неуспешен маж стојат две жени Ако татко ти е сиромав Тоа е судбина Ако свекор ти е сиромав Тоа е глупост Напорната работа не убила никого. Но зошто да ризикувам? Колку повеќе учиш, толку повеќе знаеш Колку повеќе знаеш, толку повеќе забораваш Колку повеќе забораваш, толку помалку знаеш Тогаш, зошто да учиш? Твојата иднина зависи од твоите соништа Не чекај, ЛЕГНИ СИ!

Таа

2010-04-17T22:09:00.000+02:00

На времето, многу, многу одамна, во деновите кои се сега загубени во маглата на предисторијата, жената немала потреба од пророштва за да ја предвиди иднината, или пак да открие што и се случувало зад грб.

Таа не се грижела за она што би можело да се случи, ниту за тоа што треба да направи. Немала потреба. Не била воопшто научена да се сомнева во себе. Не била научена да си го занемарува сопственото знаење и познавање.

Тогаш, на жената не и требало пророштво бидејќи секоја Жена била Пророк. И таа го знаела тоа.

Таа давала одговори на сите прашања кои и ги поставувале.

Така било тогаш. Нејзината женственост ја правела моќна. Таа имала женски чувства, инстинкти, интуиција и сетила. Таа интуитивно Знаела се’ што требала да знае.

И сите знаеле дека таа Знаела.

Жените денес сеуште имаат директна врска и пристап до сето Знаење. Тие ја имаат наследено сензитивноста и способноста која што отсекогаш ја имале.

Нејзината интуитивна врска со сето Знаење е иста како што била создадена уште од самиот почеток. Единственото нешто што се променило во последниве шест милениуми е тоа што Жената повеќе не знае дека Знае.

Со векови, на жената и се кажувало која е и што е. Таа се изнаслушала многу митови за нејзината претпоставена природа и цел, многу лаги за нејзините способности и вредности, или пак наводни недостатоци за своите вредности. Но ниеден збор не ја изменил вистината за тоа која е всушност Жената.

Ниту еден збор ниту најмалку не ја менува нејзината вродена моќ која ја поседува. Што се сменило во перцпецијата кај жената за самата себе; нејзината перцеппција за сопствените способности и вредности? Потчинета во светските поредоци, вклештена со разни закони, и омаловажувана и осудувана во религии.

Жената едноставно преживувала. Вовлечена е во еден свет кој и го напаѓа телото, и ги ограничува правата, ги негира нејзините таленти, нејзината интуиција, ги занемарува нејзините вредности и женското го прикажува како нешто слабо, мало.

Не е повеќе свесна што значи Жена, го губи спојот со сопственото Знаење. Го губи спојот со моќта на Знаењето. Почнува да верува во она што и го кажуват.

Но не било отсекогаш така, и не мора да биде така. Жената, полека но сигурно почнува да си ја враќа сопствената моќ. Се претвора во пророк, медијатор, божество и учителка за сето Знаење.

Пророци, ангели, духовници, како сакате наречете ги, се оние кои ги повикуваме кога ни требаат Одговори.

Прашајте ја НЕА. Таа, ЖЕНАТА.

Таа е повеќе од она што со векови и било кажувано.

ТАА ЗНАЕ ПОВЕЌЕ ОТКОЛКУ ШТО МИСЛИ ДЕКА ЗНАЕ.

ТАА Е ЖЕНА!

Македонски ЕВЕРГРИНИ

2010-01-14T00:53:00.000+01:00

Незнам зошто не отидов вчера на концертот на Македонски евергрини, но еве цела вечер го гледам на Алфа телевизија. Браво за идеата, браво за изведбите.

Мора да признам, некои песни ме расплакаа. До годините ќе да е.

Заклучок: Сме имале многу убава музика.

Краток, но ефикасен КУРС

2009-10-30T15:01:00.004+01:00

Сега ми е јасно како тоа сите кои станаа некои битни фаци во државава, одеднаш станаа толку елоквентни и речити.

Тајната е откриена, едноставно било. Се’ што треба да направат е да се научат да ја користат табелава.

Упатство: почнете со било која реченица од првата колона, а потоа комбинирајте со било која реченица од втората, па од третата, од четвртата. Никој ништо нема да примети.

Technorati tags: курс, говор, kurs, govor

ЦЕР

2009-06-01T23:41:00.001+02:00

Бев вчера во Цер. Ме наведе патот, малку по работа, малку од задоволство. Го споив корисното со убавото, кршнавме од патот и застанавме во Цер.

А таму, на „срецело„ свадба. Ама онаква, свадба, со старински обичаи. Веќе трета година, прераснува во традиција - свадбарските обичаи од Цер.

На времето, свадбите се правеле околу Спасовден. Оттука и Спасовденските Видувања, средби во селото кои ги организира Здружението за негување на културните традиции и потикнување на економскиот развој на село Цер „Годни Демирхисар, село Цер„.

Стасавме токму во моментот кога ја заигруваа „сваќата„. Убаво. Интересно. Момент да се видат народните носии, клашениците, кошулите, да се чуе зурлата, тапанот.

Ми кажаа дека најпрво заиграло машко дете на орото, па го канеле нункото, па имало заигрување на бајракот. Потоа заигрување на капата, на киската....

Невевчето капка. Момчето посрамежливо, ама храбро се држеше.

Сите насмеани, весели, расположени. Широките порти од куќите отворени, домаќинките те повикуваат да каснеш нешто, да не ги заобиколиш. „Касни козуначе, пробај од бакрданов, да не сакаш питулици?„

Побарав вода. Од Бориш. Најади се, напи се вода од Бориш, и одма пак си гладен. Чудна некоја вода.

Прошетавме низ зеленилото. Исплакнавме очи, наполнивме душа. Да неможеш да го тргнеш погледот.

Народот питом, но и љубопитен. Непознати „фаци„ низ село. Одма прашањето: „Чија си?„

А каде е Цер?

Селото Цер се наоѓа во т.н. област "Горен Демир Хисар" или популарно наречена Преку Турла, бидејќи во близина се наоѓа преминот преку малата планина Турла (стариот пат кон Кичево).

Селото се протега во источниот дел на Церското Поле, кое претставува најголемо карстно поле во Македонија (површина 9,5 км2, должина од 7,5 км, широчина 3,7 км). Сместено е на надморска височина од 990 m до 1050 m, во подножјето на планината Баба Сач (1695 m) од север и Лубен (1764 m) од југ.
Низ селото минува Церска Река која низводно од селото понира и се движи во подземјето на Церското Поле. Заедно со неколку околни реки, Церска Река излегува на површина кај селото Железнец и го образува врелото на Црна Река (издашност од 1,5 m3/s).

А еве како еден церанец ги опишува убавини на Цер во нивниот билтен:

Селото Цер е распослано на северната падина на Баба Сач во прекрасната долина на церска река Матица. Од јужната страна до реката се распотила дабова, а до неа букова шума на прекрасниот Крачунец, кој ги дарува студените води на Палазица, Бориш, Стара Чешма, Студена Вода и Породин.

Утробата на Крачунец е прошарана со патеки кои не водат кон Породин, Буков Дол, Дуконива и Затропас (пештера недоволно испитана).

Над Крачунец се издига Љубен, преполн со питоми падини, во кои церани одгледувале најубави компири и јачмен. А ароматичните цветоци и билки овозможувале церани и церанки да здивнат на тревата, од напорната работа. Најгоре, доминантно се издига врвот Кавчел од каде се гледа пошироката околина, дури до Битола. Од другата страна пка, во подножјето на Љубен, се протега Сувополе. Натака кон исток е висорамнината Рамнин се до Балтин, богата со матерка (мајчина душичка), морач, плускавци и јагоди.

А сега поубо е да се врата во Врановрат, да се обѕрна према Бранејнца и низ живописниот кањон преку Бацериводејнци, дабон Личоски и водејнцана Крцоска ќе дојда на Породин и Главје.

А одовде умот да ти кајдиса од лево е Задзадел со манастирот Света Богоројца и од десно се протега величественииот Крачунец. Ко ќе дојш на Преодиште од десно е Изгореноно, од лево Лисичина дупка и Вренцој трла, пред тебе пак се шири Лениште и Селска ливада.

Ама немојш да запреш, ќе се напиеш вода од Кутлечешме, и ќе продолжиш кон дабон од Копачка од каде еден пат те водит према Птериче, од убо поубо, а другиот пат према Краста, Рибарникон од Перија и ела да те вида не напи се вода од срамноно чешме (ми е страм да го кажа вистинското име).

Далдисан, продолжуа нагоре каде ќе те сретнат цели ливади со штркоцвеќе, јаглики, матерка се до шумата на Блен, Краста, Коприндол и пак војца ќе се напија од Милошо Чешме. По целиот пат од Врановрат па нагоре ми се смеат бистрите води на Матица со грациозно нишкање на мренката и помалу тромот движење на ракојте.

Немат чаре, се враќа назад во Петриче, порабено со чуми и смреки, од лево е Крагујо, а од десно Корбојц. Ајде попе биди чојк - велат. Кај да ода сега ако не кон Станко-осојица, Шумколивада, покрај Стрмол и Исламочешме да го вата Леско и Крушка. Е, доста е, натака е синорот Пусторечки и Зашлечки.

Ако имаш ниет да го прошеташ сето ова еден месец ти е малку, ама знај, ако се испрпелаш во матеркине на Љубен, ливадишта и Рамнин, ако се напиеш вода од Бориш, Кутлечешме, Милошо чешме или од стрмноно, готов си не ќе мојш без ним.

Оваа долина маѓепсува, а душата се полни со љубов и Благостостојба.

Technorati tags: село Цер, Кичево, Бориш, свадба, Спасовден, selo Cer, Kicevo, svadba, Borish, Spasovden

Пица деливери

2009-03-05T21:35:00.001+01:00

Како ќе изгледа една нарачка во 2015?

Оператор: Pizza hut, повелете!

Блажо: Добар ден! Имам една нарачка.

Оператор: Може ли прво да ми го дадете вашиот ЕМБГ?

Блажо: Мојот Ембг, само момент. Мојот Ембг е 230195743034
Оператор: Фала Блажо, сега видов дека живеете на улица Гоце Делчев бр.1
Блажо(зачуден): Може две пици капричози екстра лути!
Оператор: Мислам дека тоа не ви е добра идеја!

Блажо: Како тоа мислите?
Оператор: Блажо, вашите здавствени податоци укажуваат дека имате висок крвен притисок, затоа подобро е да не ризикувате...
Блажо: Па тогаш, што ќе ми препорачате?
Оператор: Можете да ја пробате новата пица од соја, сигурен сум дека ќе ви се допадне.
Блажо: Зошто така мислите?
Оператор: Па, минатата недела од книжарата сте ја купиле книгата "Гурмански рецепти од соја".
Блажо: Добро, добро, тогаш дај ми џамбо пица од соја, и кажете ми цена?
Оператор: Тоа би требало да ви биде доволно за вас, вашата жена и трите деца, и тоа ќе ве чини 550 денари.
Блажо: Сега ќе ви го дадам бројот од кредитната картичка.
Оператор: Извинете г-не, но мора да платете во кеш бидејќи вашиот дозволен лимит е надминат.
Блажо: Добро, тогаш ќе му платам во кеш на вашиот доставувач?
Оператор: Ок, ако сакате можете да дојдете со вашиот мотор да ја земете инаку ќе мора да чекате околу 45 минути.
Блажо: Од каде знаете дека возам мотор?
Оператор: Тука пишува дека сте закасниле со ратата за кола и затоа банката ви ја одземала, а вашиот мотор е исплатен па претпоставив дека со мотор ќе дојдете.
Блажо: Ма идете во ку*ац...
Оператор: Пазете што зборувате г-не бидејќи имате две прекршочни пријави.
Блажо: без коментар
Оператор: Дали тоа ќе биде се од вашата нарачка?
Блажо: Донесете ми и еден литар кока кола!
Оператор: Извниете г-не но не смееме да им продаваме кока кола на дијабетичари!

Ако денес ви фалат ...

2009-02-19T14:09:00.001+01:00

Среќните луѓе создаваат среќни мисли. Ако носиме во себе среќни мисли, создаваме среќни перцепции, а со тоа создаваме прекрасна аура од светлина околу нас....која што не води кон среќни моменти. На тој начин, создаваме еден возбудлив круг во кој стануваме уште посреќни.

Ако денес ви фалат среќни мисли - ПОВЕЛЕТЕ

Technorati Tags: What a Wonderful World, Louis Daniel Armstrong, happy, среќни мисли

Leonova: Лек за Рецесија

2009-02-01T23:55:00.000+01:00
Leonova: Лек за Рецесија

Лек за Рецесија

2009-02-01T23:45:00.001+01:00

Предговор:

Текстов го добив на мејл. Како што ќе видите најдолу ми беше советувано да го препратам на што повеќе луѓе. па си реков, зашто да бројам на колку мејл адреси ќе го правам, кога можам фино лепо да си го објавам на блог и така да ја постигнам максималната бројка.

Значи

Неколку мудри совети за да имате пари секогаш

За да ви се вртат секогаш пари по дома, на денот кога примате плата, или некакви пари, не треба да поарчите ниту еден денар, туку треба да ја оставите целата сум да ви преноќи дома. (додуша сега со картичкиве ни преноќува во банка, затоа банките имаат пари)

Мудрите луѓе си чуваат преку целата година една банкнота, која, како што велат се „сплотува„ со вашата енергија и така започнува да привлекува кон себе и други пари.

Пари нема да има ако си свиркате на уста, ако собирате трошки од масата со рака, ако давате на заем леб и сол (тоа значи дека к’сметот ќе премине во друго семејство. За да си ги задржите парите по дома поставете ја метлата со дршката надолу.

Ако барате покачување на платата, најдобро е тоа да го направите во среда. Во понеделник не давајте пари на заем, во вторник не земајте пари на заем, а во петок не враќајте долгови. Кога давате или земате пари на заем, тоа правете го наутро.

По џебовите стално имајте ситни парички. Внимавајте џебовите да не ви се скинати, и копчињата да не ви се отпаднати.

Никогаш не го чувајте новчаникот празен, таму секогаш треба да има по некоја паричка. Сите банкноти треба да се држат со лицето свртено накај вас. Во најмалата преграда од новчаникот ставете една банкнота свиткана како триаголник. Исто така, во новчаникот чувајте една банкнота од вашата прва плата, или од некој добар човек, или пари заработени од некоја добра зделка. Таа банкнота не треба да се троши, затоа што таа е талисман, во спротивно, парите ќе ве заобиколуваат и нема да доаѓаат кај вас. Внимание, пари од игри на среќа, пари кои се нечесно спечаелни, или пак добиени на подарок не носат среќа и затоа нив не треба долго да ги чувате. Веднаш потрошете ги или поделете ги.

Е сега, откако го прочитавте сето ова, верувам дека сфативте колку парите лесно се губат, но исто така, и лесно се печалат.

За да не ги загубите, само придржувајте се кон овие прости правила.

За да привлечете пари, само испратете им линк од овој пост на своите пријатели и познаници, и на тој начин парите ќе почнат да течат кон вас, затоа што вие сте покажале дека ги цените.!
Ако не го прочитате постов до крај и ако не го испратите линкот од постов, ќе бидете бедни цела година.

Ако го испратите барем на двајца свои пријатели, ќе имате три успешни години и многу пари!!
И сега внимавајте:

Ако го испратите линков на:

1 пријател – парите ќе започнат да пристигаат дури следната година.

3 пријатели – после 6 месеци

5 пријатели – после 3 месеци

6 пријатели – после 1 месец

7 пријатели – после 2 недели

8 пријатели – после 1 недела

9 пријатели – после 5 дена

10 пријатели – после 3 дена

12 пријатели – после 2 дена

15 пријатели – после 1 дена

20 пријатели – после 3 часа

Цел Блогерај – Веднаш!!!!!!!!!

(Јас си израчунав, во моментов има 46 блогери и 1600 гости...ехееее)

Во случај да не ме послушате, и ве снајде рецесија, еве како да се снајдете:

Филтер Југославија

2009-01-30T00:03:00.001+01:00

„Понапред, ко си бевме Југославија, немаше телевизија по цела ноќ. Кај да е, кај десет-единаесет излегва сличето на Камениот мост од Скопје, ја велат македонската химна и крај на програмата. После тоа (или пак сетнем?) излегува некоја млада и надежна најавувачка: А сега драги гледачи проследете ја програмата за утре и чао. Телевизорот се затвора и одозгора му се става едно миле, и заедно со самоуправувачите оди на повечерје.

Некаде кон крајот на осумедесетите (веќе знаете од минатиот век), некоја дојде во за тоа време радикална идеа - Ноќни Програми. Тоа значешњ дека некаде од единаесет ноќе, или полноќ, наместо крај на програмата на Југослав пеопле ќе им се понуди можност да останат крај нивниот прозорец кон светот....„

„...Ноч и Дан беше ноќната програма на ТВ-Сарајево. загрепската ноќна програма се викаше Програм плус и општо земено беше најдобра. Преку неа прв пат осознавме за Алф, Монти Пајтон, Ѕвездени патеки...

Македонската беше За Добра ноќ. Почнуваше со за тоа време одлична шпица на коцки шеќер кои што со домино ефект паѓаат една врз друга. А завршуваше со сцена од Тарзан - Бо Дерек се капи во океан, ја море, а на плажата ја демне лав. Ете отогаш нема миле над телевизорот.„

Горново е извадок од едно мало книгиче до кое дојдов деновиве сосема случајно. Насловена е како „Филтер Југославија„ од авторот Константин Петровски.

Верувам дека на сите оние кои биле дел од постоењето на СФРЈ оваа книга ќе им изнуди насмевка. Најтопло ви ја препорачувам да ја прочитате.

Се надевам дека со објавувањето на само еден мал дел од книгата не ги нарушив авторските права на авторот и издавачот.

пс. Додека барав линк за името на авторот видов дека е блогер.

Мали мудрости

2009-01-22T12:24:00.001+01:00

Ако не можеш да помогнеш, сметај. Битно е да се учествува.

Децата кои седат на предното седиште во автомобилот можат да направат инциденти... Инцидентите на задното седиште може да направат деца...

Ако можеш да се смееш и покрај тоа што се’ ти оди лошо, тоа е затоа што веќе си нашол кому ќе му ја префрлиш вината.

Да грешиш, е човечки. Да ја префрлиш вината на некој друг е стратешки.

Некои шефови се како облаци. Кога ќе ги снема, денот е преубав.

Жените за мажат затоа што веруваат дека тој еден ден ќе се смени. Мажите се женат затоа што веруваат дека таа нема никогаш да се смени. И едниот и другиот грешат.

Techorati Tags: funny, wisdom, мудрости, Леонова

РУЧЕК НА ОБЛАКОДЕРОТ

2009-01-17T21:18:00.001+01:00

Во Америка, некаде околу триесетите

Фотографиите што ги гледате подолу се вистински. Многу од нив се историски, од раните триесети години на минатиот век, од авторот Charles Clyde Ebbets.
Поголемиот дел од нив го прикажува секојдневието на работниците кои работеле на изградбата на облакодери во периодот од 1920 до 1935 година.
Како што се гледа, заштитата на работното место била, најблаго речено чудна, а фотографиите тоа верно го доловуваат.
Насловот на првата фотографија е „Ручек на врвот на облакодерот„. Автор е Charles C. Ebbets, еден од најдобрите светски фотографи.

Фотографијата е направена во Њујорк, на 29 септември 1932 година, а објавена е во неделниот додаток на 2 октомври истата година. Авторот сликите ги направил на 69 спрат од вкупно 70-те спратови колку што имала зградата на Рокфелеровиот Центар.

Ова е Charles Ebbets, кој ги направил поголемиот дел на фотографии

...oваа - „Лежење на греда„ од 1932 година, како и други легендарни фотографии.

Многу од овие фотографии се дел од оставината на Ото Бетмен од 1936 година. Тоа е колекција од 11 милиони фотографии и во неа се содржани некои од најдобрите фотографии на САД.

Денес таа припаѓа на компанијата CORBIS, која е во сопственост на Бил Гејтс.

Музика: Деборината Тема од Енио Мориконе, од филмот „Беше еднаш во Америка„, на режисерот Серџо Леоне.
Techorati Tags: Charels Ebbets, Lunchtime atop a Skyscraper, photo

Избројте ги жабите

2009-01-13T23:09:00.001+01:00

Ми тргна во последно време со животниве.
Кому му требаат џебови? Ај избројте ги жабите

Technorati Tags: frogs, pocket, little girl

Траги во снегот

2009-01-10T01:05:00.001+01:00

Нова година... нови почетоци...

Една од добрите работи кога влегуваме во нова година е можноста да се ослободиме од минатото и да погледнеме пред нас, во иднината. Време е за промени.

“Без промени нема иновации, креативност или почеток кон подобро. Оние кои иницираат промена ќе имаат поголеми шанси да се справат со промените кои се неизбежни“ - William Pollard

Почетоците на новата година се како свеж снег, се’ е покриено под бела покривка. Какви траги ќе оставиме годинава?

пс. Мината година ја завршив со Магарето, оваа ја почнувам со овие преслатки суштества.

Technorati tags: New Year, New beginning, нова, година, нов, почеток, промени магаре, мачиња, снег, траги

Магарето

2008-12-28T16:24:00.001+01:00

Приказна за Магарето и Перцепцијата

“Луѓето веруваат дека јас сум тоа што го гледаат, а не она што не го гледаат. Но, јас сум Големото Невидено, а не она што правам да бидам во еден одреден момент. Всушност, јас сум она што не сум. Јас доаѓам од Небидување, и таму секогаш се враќам.”

Neale Donald Walsch

Сите ние си имаме сопствен свет, свој начин на гледање на работите и сопствено сфаќање и поимање. За една иста ситуација може да има повеќе различни толкувања и интерпретации.

А реалноста ја креираме според тоа како перцепираме. Постои еден интересен цитат од Dr. Wayne Dyer, кој гласи:

"Кога ќе го смениш начинот на кој гледаш на работите, тие, работите во кои гледаш, се менуваат."

Секој човек перцепира на свој начин. Еве една илустрација:

Маж и жена си купиле магаре на пазар. По пат за дома ги сретнало некое момче и прокоментирало:

Боже, колку глупаво. А зошто ниеден од овие двајца не го јава магарево?

Кога го слушнале тоа, мажот и рекол на жената да се качи на магарето и така да го продолжат патот. Понатаму, ги пресретнал еден постар човек и рекол:

Мажот е главата на семејството. Како е можно жената да го јава магарето, а мажот да оди пешки?

Кога го слушнале тоа, жената брзо слегла од магарето, и мажот го јавнал магарето и така го продолжиле патот. По патот наишла некоја стара жена. Таа прокоментирала:

Како е можно мажот да го јава магарето, а жената да оди пешки. Тој не е џентлемен.

Мажот, кога го слушнал тоа брзо и рекол на жената и таа да се качи на магарето. Итака, ги сретнало некое младо момче.

Сирото магаре, како да го издржи тој товар на себе? Колку сте немилосрдни.

Кога го чуле тоа, мажот и жената веднаш слегле од магарето, го качиле на раменици, така го продолжиле патот.

Се чинело дека тоа е единственото што им преостанало. Но, подоцна, кога наишле на тесниот мост, магарето се исплашило и почнало да мрда во обид да избега. Мажот и жената изгубиле рамнотежа и сите заедно паднале во реката.

Никогаш нема да можеш да ги задоволиш сите, ниту пак сите подеднакво ќе те обвинуваат. Секогаш ќе има задоволни и незадоволни. Така било, така е, и така ќе биде.

Затоа, не се грижете многу за зборовите на останатите, се додека совеста ви е чиста.

Technorati Tags: Перцепција, Магаре, зборови, Neale Donald Walch, Wayne Dyer, Donkey, Perception

Новогодишна

2008-12-27T01:31:00.001+01:00

Новогодишна

Би

сакала,

да украсам

елка и наместо

да закачам лампиони

сакам да ги наредам

имињата, на сите мои

пријатели. Блиски пријатели

и не така блиски пријатели.

Старите пријатели, новите пријатели.

Оние кои ги гледам секој ден,но и оние

кои ги гледам многу ретко. Оние на кои секогаш

ќе се сеќавам, но и оние на кои понекогаш заборавам.

Оние кои се секогаш тука кога ми требаат и оние кои

никогаш неможам да ги најдам кога ми се потребни. Оние

кои биле со мене кога ми било најтешко, и оние, со кои сме

Поминале многу среќни моменти заедно. Пријатели, кои, сум ги

повредила без да сакам, или пак ме повредиле на ваков или онаков

начин. Оние кои добро ги познавам, но и оние кои штотуку стапнале

во мојот живот. Оние кои ми должат малку, но и оние на кои им

должам многу. Моите пријатели со кои пијам кафе, и оние кои ми се

се’ на светот. Имињата на сите оние кои минале низ мојот живот,

без разлика дали само прелетале или оставиле сопствен жиг. Елка

со многу длабоки корени и многу долги и цврсти гранки. Елка со

многу пријатна сенка каде

што ќе може нашето пријателство

да здивне од битките во животот.

Сенка каде што сите ќе сфатиме

дека сме го поминалепола живот

пред и да разбереме што е живот.

Место каде што ќе увидиме

дека не постои ни трошка доказ

во корист на идеата дека животот

треба да се сфаќа сериозно.

И можеби животот не е забавата

за која сме се надевале, но кога сме

веќе тука, треба да играме.

Добриот живот започнува тогаш кога ќе престанеме да бараме подобар.

Верувајте во неверојатната моќ на се’ што ќе ви се најде на патот во новата година.

Драги мои, имајте убава година

Леонова

Technorati Tags: New Year, 2009, Leonova, Christmas tree

A letter to Santa

2008-12-20T15:28:00.002+01:00

Dear Santa,

It is Leonova, from Skopje, you remember me, you brought me Lego toys when I was 10. Now, I am 46.

I am writing this letter to tell you that I believe in you again. I must admit I feel guilty a little bit, since I realized it must have been difficulty for you to see people stop believing in you when they grow up. But I know that you are sad not for yourself, but for people like me, people that loose the childhood sense, and all the magic of joy and happiness.

As you already know, I really wanted to believe in you, but as I grew up there were some questions such as how come you mange to visit each and every hoes in the Christmas eve, or, how come that reindeer can fly, why do you come only during the night when everyone is in bed....a lot of unanswered questions.

As a child, I wanted to get presents. Of course, I still do. But now, as a parent, I realized that the real happiness comes through giving. Words cannot describe the feeling when I look at the children opening the presents.

Do you know that my niece Mina goes to bed every night with only one wish. She even sent you a letter, asking you to bring her a present, but, not only to her, to Sara as well (her best friend). She wanted to prove your existence. She says:

Sara does not believe in Santa, that's why I asked him to Bring a present to Sara, and then, Sara will start to believe in him.

Dear Santa, I can see you in my granddaughter eyes, I can see the world where I used to live, the world that I knew. I decided to reenter this world again, may it be once a year only. Now, in the second half of my life I look behind me and I know - the happiness is on the same place as ever - within us. Within our beliefs. Within joy of giving.

Yours

Leonova

ps. about the questions - I know the answer now - It’s the Christmas Magic

Technorati Tags: Santa Claus, letter, believe, joy of giving

Најсреќни моменти во животот

2008-12-19T00:36:00.001+01:00

Некои најдобри моменти од животот
Во животот постојат моменти кога среќата е околу нас, во нас, но не ја перцепираме како таква. Дури откако сето ќе заврши стануваш свесен колку си бил среќен во одреден момент од животот. А тие моменти ни носат радост и возбуда.
Еве некои моменти кои секој од нас ги имал. Среќни моменти:

Да се смееш се додека не те заболи стомакот
(ова често ми се случува со сестра ми)

Да отидеш на одмор, да си поминеш прекрасно, а потоа цел живот да го спомнуваш тој одмор.
(Лето во камп приколка покрај Модричка река – прекрасно)

Да си легнеш и да го слушаш дождот како паѓа надвор.
(има ли поубав начин да заспиеш?)

Да го положиш последниот испит.
(мислиш дека цел свет е твој)

Да си најдеш пари во некој џеб од некои пантолони кои не си ги облекол од минатата година
(Лани си најдов многу убава сума)

Да си се смееш сам на себе, стоејќи пред огледало и правејќи фаци
(Не дека го правам често, ама релаксира)

Случајно да слушнеш како некој зборува нешто добро за тебе.
(Прекрасно чувство)

Да се разбудиш и да сфатиш дека не мора да станеш толку рано, туку можеш да си поспише уште неколку саати
(Ептен слатко)

Да ги видиш луѓето кои ги сакаш среќни.
(и ти си среќен тогаш)

Да се смееш, смееш, смееш...со старите пријатели, потестувајќи се на глупостите што сте ги правеле
(особено глупостите во гимназија, и бисерите на одредени другари и другарки, на пример на час кај Ермина)

И ги има уште многу...многу, такви мали, прекрасни моменти за кои вреди да се живее.
И најсреќниот момент

Technorati Tags: Најсреќни, моменти, живот, Калиа

Шеќерни Колачиња

2008-12-17T23:36:00.002+01:00

Нова Година е на прагот, одлично време за креативност. Внесете малку забава во подготовките. Еве неколку идеи за шеќерни колачиња кои лесно се моделираат и декорираат. Дури можете да ги закачите и на елката.
Спремете се’ што ви треба, пуштете си гласна музика, и. . . на работа.

Основен рецепт за шеќерни колачиња
2¼ шољи брашно
1 лажиче прашак за пециво
½ лажиче сол
12 лажичиња омекнат несолен путер
¾ шоља шеќер
1 јајце
1 лажиче екстракт од ванила
½ лажиче ситно рендана кора од лимон
Измешајте ги брашното, пецивото и солта во длабок сад.
Во друг сад, изматете го путерот со миксер, додајте го шеќерот и матете се додека не добиете пенаста смеса (отприлика 1 до 2 минути). Додадете ги ги јајцата, ванилата и кората од лимон.
Намалете ја брзината на миксерот на најспоро, и додадете го брашното.
Измесете го тестотот, ставете го во пластична кеса и ставете го во фрижидер најмалку 2 часа.
Вака подготвено тесто може да стои во фрижидер до 3 дена, а во замрзнувач и до 2 месеци.
Извадете го тестото од фрижидер и оставете го на собна температура десетина минута. Со сукало развлечете кора од тестото, тенка околу половина см. Сега ви треба модлица со различни форми, со која ќе ги формирате колачињата.
Во зависност од формата и декорацијата, можете прво да ги испечете па да ги декорирате, или пак, да ги декорирате, па да ги печете.
Рерната загрејте ја на 180 степени. Колачињата се печат на мрсна (восочна) хартија). Печете ги 12 до 15 минути, или се додека краевите не добијат убава златна боја.
Ваквите колачиња стојат свежи и до 10 дена.
ДЕКОРИРАЊЕ со боја:
Изматете 1 жолчка со една лажица вода. Поделете ја оваа смеса во неколк мали шољи. Во секоја шоља ставете различна прехранбена боја. Декорирајте ги колачињата со четка.

ДЕКОРИРАЊЕ со „стакло„ - Стаклени колачиња
За овој на вид на колачиња, формата која ќе ја одберете треба да ви даде можност да направете дупка во колачињата. Тоа може да биде куќичка со прозорчиња, или едноставно колаче во форма на ѓеврече.
Ваквите колачиња прво се декорираат, па потоа се печат.
За декорација ви требаа тврди бонбони во боја, кои претходно ќе ги издрбоите многу ситно. Овие дробени бонбони се ставаат во дупката од колачето, а потоа с целото колаче се напрашува со малку шежер во прав. При печењето, дробените бонбони ќе се стопат и ќе се спојат во една глатка маса, која наликува на стакло во боја.

Кога колачињата се испечени, не ги вадете одма. Оставете ги добро да се оладат, па дури тогаш сместете ги во кутија.

ДЕКОРИРАЊЕ со шеќер во прав
6 шољи шеќер во прав
6 до 8 лажици млеко
2 лажици свежо цеден лимон
Прехранбена боја (по желба)
Ова се само неколку идеи како можете да ги декорирате шеќерните колачиња. Бидете креативни и уживајте. Децата ќе уживаат, а овие колачиња можете да ги ставите во пакетчиња.

Technorati Tags: Нова Година, колачиња, украсување, декорирање, Sugar cookies, Icing

Приказна за Дедо Мраз

2008-12-15T00:25:00.000+01:00

Многу, многу далеку на север, помеѓу бескрајната дивина во Финскиот Лапланд, има една планина што се вика Корватунтури. Одма во подножјето, скриен од очите на светот, живее Дедо Мраз со неговата жена, џуџињата и ирвасите. Тој всушност живее таму толку долго, што дури и не се сеќава од кога е таму. Тој многу и не зборува за својот дом, но самото име на планината каде што му е домот - Уво Планина - зборува многу. Тоа е одлично место од каде што се слуша и се гледа се’, сите надежи и соништа на луѓето од сите возрасти.

Дедо Мраз сака да си ја сочува својата тајна, таа е всушност многу битен дел од Новогодишната приказна. Но, еден патник, кој минувал од таму пред стотина години, ја октрил адресата на Дедо Мраз и ја раширил ширум светот.

Луѓето ширум светот, а особено децата, постјано му пишуваат писма на Дедо Мраз. Особено пред Нова Година џуџињата се претрупани со писма од целиот свет, обидувајќи се да ги распоредат сите желби за подароци и да му ја наполнат вреќата на Дедо Мраз. Тој добива преку 700.000 писма секоја година.

Еве како да му пратите писмо:

По пошта:
Santa Claus
Arctic Circle
96930 Rovaniemi
Finland

По Гулаб:
Дедо Мраз знае дека во некои делови од светот луѓето користат гулаби за да пратат писмо. Од време на време ќе слета некој гулаб кој долетал од некој многу далеќен крај од светот.

По Email:
Дедо Мраз и неговите џуџиња се модернизираа и сега знаат да ги користат последните чуда на технологијата. Дури вели дека не знае што би правел да нема email.

Кликни овде да му пратиш порака на Дедо Мраз

Оваа година домот на Дедо Мраз е веќе преполн со писма. Тој дури најави на интернет дека му се потребни уште џуџиња.

Но, не грижете се. Ќе стигне секаде. Само запомнете да му оставите колачиња и млеко, и не заборавајте храна за ирвасите, пред да си легнете.

Technorati Tags: Santa Claus, Lapland, address, Korvantuturi, where does Santa live?, Дедо Мраз, каде живее

Other words

2008-12-11T22:56:00.002+01:00

Врувам дека дел од вас имаат потреба да го користат англискиот јазик на работното место. Не секогаш не е лесно да се изразиме, имајќи предвид дека првенствено размислуваме на македонски јазик. Точно, оние кои што го користат англискиот јазик секојдневно, веќе и размислуваат на англиски, но следново верувам дека сепак ќе им биде од корист. Особено ако вашата работа е поврзана со пишување извештаи на англиски јазик.

Значи....доколку пишувате извештаи, записници од средби, белешки, многу често се јавува потреба да пренесете што било кажано. Зборот "said" не е секогаш адекватен. Еве мала помош:
Acknowledged
Added
Admitted
Advised
Agreed
Announced
Answered
Approved
Argued
Assumed
Assured
Asked
Babbled
Bargained
Began
Boasted
Bragged
Called
Claimed
Commanded
Commented
Complained
Cried
Decided
Demanded
Denied
Described
Dictated
Emphasized
Estimated
Exclaimed
Explained
Expressed
Feared
Giggled
Grinned
Grunted
Indicated
Insisted
Instructed
Laughed
Lectured
Lied
Mentioned
Moaned
Mumbled
Murmured
Nagged
Noted
Notified
Objected
Observed
Ordered
Pleaded
Pointed out
Prayed
Predicted
Questioned
Reassured
Related
Repeated
Replied
Responded
Requested
Restated
Revealed
Roared
Ruled
Scolded
Screamed
Shouted
Shrieked
Snapped
Sneered
Sobbed
Spoke
Sputtered
Stammered
Stated
Stormed
Suggested
Taunted
Thought
Told
Urged
Uttered
Vowed
Wailed
Warned
Whispered
Technorati tags: English language, said, other words
Thanks to this link

Vanity or Pride

2008-12-07T20:08:00.002+01:00

Is vanity a pain that holds you in contempt, watching the time has never spent, the time you will never have a chance to use it again? All that is lost will never again be.
Is vanity making us tired, tired of hesitation, hesitation that lead nowhere?
Because of vanity we tell words that are not to be told. Because of vanity we are not able to look at the truth. Because of vanity the people become strangers.
Everyone is vain.
But, at the end we are all the same, but our soul that reflects us. This is that counts. It remains for all time.
Is vanity the same as pride?
The pride makes us respect ourselves, the vanity asks for respect from others – Author unknown

“Pride is a very common failing I believe. By all that I have ever read, I am convinced that it is very common indeed, that human nature is particularly prone to it, and that there are very few of us who do not cherish a feeling of self-complacency on the score of some quality or other, real or imaginary.
Vanity and pride are different things, though the words are often used synonimously. A person may be proud without being vain.
Pride relates more to our opinion of ourselves, vanity to what we would have others think of us.”
– Jane Austen, Pride & Prejudice

“Vanity dies hard; in some obstinate cases it outlives the man.” - Robert Louis Stevenson
“Pride does not wish to owe and vanity does not wish to pay.” François de la Rochefoucauld

vanity, pride

All that art

2008-12-04T19:57:00.001+01:00
This is amazing

Technorati tags: women in art

2008-12-04T14:13:00.004+01:00
This is something that is probably well known to many of you, but is seems so useful, so, for those who have not used it, here it is:

Open a new Notepad file, and type .LOG. Save it and close it.

Next time when you open the file, the cursor is in a new line, just bellow the current time and date. Just type and save it again.

And that's it. A small, useful Log, or Diary.

Try it.

useful, tips, tricks, notepad, log, diary, computers

My Macedonia

2008-11-29T20:53:00.006+01:00
Macedonia is a very interesting place. There are well known facts about Macedonia, but, yet there are facts and stories that not even all Macedonians are aware of. Not to talk about the rest of the world.
Well, here are some:

The Macedonian mine “Alshar”, located at Kozuv Mountain is the only emplacement of thallium worldwide, and a potential source of ecologically pure energy. This mine has been recorded as a monument of nature since 2004, and is a part of Emerald Network - "areas of special conservation interest," created by the Council of Europe.

They say it holds a secret no less than that of the Universe. That it guards the answer to the power of the Sun. No, it is not the latest Spielberg blockbuster. It is a mine. But a mine covered in a veil of mystery.

Great part of the famous roman road Via Ignatia actually spreads itself in Macedonia

The New York Times described The Cave Peshna (near Makedonski Brod) as identical with the fictive caves in the Lord of the Rings.

The castle's actually built inside. It looks exactly like Helm's Deep from 'Lord of the Rings.' It's kind of sad to compare it to that -- but it's actually incredible when there's something you've seen from somebody's fantasy, and then you see this and it's almost exactly the same.''

It is believed that the Saint Bogorodica Prečista Monastery hides a piece of the Jesus cross in its foundation stones.

The grave of the famous Greek Zorbas is in Skopje, Macedonia. Alexis Georgios Zorbas, who inspired Nikos Kazantzakis to write the famous novel “Zorba the Greek” lived in Skopje, with his wife and a child, and died in Skopje 1942. Zorba the Greek (originally titled Alexis Zorbas) is a 1964 film based on the novel Zorba the Greek by Nikos Kazantzakis. The film was directed by Michael Cacoyannis and the title character was played by Anthony Quinn.
According to NASA, KOKINO is among 4 oldest megalithic observatories worldwide.

Author of the above photo - Ljupco Ilievski - www.ljupcoilievski.mk

Macedonia, facts, Kokino, Alshar, Via Ignatia, Bogorodica, lorandit, tahllium

Write or Die!

2008-11-28T01:11:00.003+01:00

Немате идеа за што да пишувате? Не ви се пишува? Заработувате од пишување? Или едноставно многу сакате да пишувате, но мислите дека мозокот ви е закочен?
Има решение. Видете го ова.
Write or Die е веб апликација која ве охрабрува да пишувате така што ве казнува кога не пишувате.
Пишувајте во квадратот од апликацијата. Се додека пишувате, се’ е во ред, но кога ќе престанете, прво имате еден период кога алаткава ќе се смилува, само неколку секунди, а потоа почнуваат последиците.
Последиците:

Нежен мод: после некое време откако ќе престанете да пишувате, ќе се појави квадратче кое нежно ќе ве потсети да продолжите да пишувате.
Нормал мод: ако постојано го одбегнувате пишувањето, ќе почне да испушта многу непријатен звук. Звукот престанува ако и само ако продолжите да пишувате.
Камиказе мод: пишувајте постојано или текстот ќе се самоизбрише.
Самата апликација не е текст процесор, значи она што ќе го напишете ќе треба после да го копирате во некој текст процесор и таму да го форматирате, но битно имате текст.
Она што е интересно се коментарите, кои претежно се пофални.
Погледнете сами.

Write or Die, web application, writers

Старо, но добро

2008-11-23T23:21:00.002+01:00
Скриена камера, повеќепати видено, но добро.

Hilarious Mirror Prank - Funny blooper videos are here

Hilarious Mirror Prank

Undo

2008-11-23T00:56:00.002+01:00

If life was so simple

Undo, Obama, Bush, life, simple

2009

2008-11-22T17:47:00.003+01:00
Календар за 2009 година, со празници и неработни денови

Верувам дека ќе ви биде од корист

2009 Calendar- Macedonian, customized

Кристијан

2008-11-21T23:19:00.003+01:00

Тој се возел во Бентли, јадел во најдобрите ресторани во Лондон, и си ги поминувал деновите оптегнат на каучите во една продавница за мебел.
Ова е приказната за големата мачка.
Колку многу љубов, колку многу искрени емоции.

Christian Lion

Скопје или Село? Или Македонски Брод?

2008-11-20T23:05:00.003+01:00

Последниве неколку години работата ме носи низ цела Македонија. Последнава година пак, една од темите кои ги покривам е руралниот развој. И....тоа ме тера на размислување околу квалитетот на животот.
Дали ние, Скопјаниве, сме во предност што живееме во голем град, или не? Кои ни се предностите? Што добиваме? Го живееме ли животот вистински, или пак слепо трчаме по динамиката која ни ја наметнува градот?
Некои луѓе велат дека живото во помалите места е подобар. Некои пак велат дека животот во поголем град нуди многу можности.
Јас се согласувам и со едните и со другите. Прашањето е дали може да се најде некој баланс, или сфаќањето за квалитетен живот е исклучиво личен став?
Уште кога се прибилижувате кон Скопје, на автопатот, сообраќајот станува погуст, ги гледаш колите како се набиени една до друга, сите се обидуваат да се префрлат од една лента во друга. Луѓето живеат еден врз друг во зградите, Куќите се набиени, залепени една со друга, а со новава урбана мафија ти се чини дека ќе ти паднат врз глава оние нови доградби во тесните улички. Типичен промер за тоа ми е улицата Мајаковски во Дебар Маало. Се гушам кога ја поминувам.
Оние кои живеат во куќа имаат дворче. За разлика од нив, жителите во селата го имаат целиот хоризонт пред себе. Во малите места куќите се најчесто единечни, а згради има малку.
Кога се шеташ низ Скопје, луѓето те одминуваат, ретко кој ти се насмевнува. Всушност, дури и стануваат сомничави, ако ете, им се намсееш само заради тоа што ви се вкрстиле погледите или пак сте се разминале. Тоа не значи дека тие се непристојни или груби, едноставно гардот им е високо поставен.
Загадувањето во малите места е минимално. Загадувањето во Скопје? Големо.
Во малите места, а особено во селата, пријателска насмевка е стандардна. И искрена. Продавачите во голем град се услужни и љубезни, и толку. Во малите места, напротив тие се пријатели со вас. Тие ве познаваат, вие ги познавате, разменувате муабет. Сите се знаат меѓу себе.
Можеби сето ова го гледам од перспектива на возрасен човек. Скопје почнува да ми станува бучно, тесно, врие како во осило. Прескапо! Во мало место, или на село, животот е мирен и релаксиран. Таму, го гледате небото!
Младите веројатно нема да се сложат со мене. Скопје нуди многу повеќе можности. Големи продавници, избор, нуди образование, забава, социјалниот живот е многу побогат, а особено ноќниот живот.
Но, често, откако ќе се вратам од некое од патуваата, се прашувам – кој е тука победникот?
Кој е во предност? Тие што го имаат хоризонтот пред себе, каде што ако помине едно возило, одма се чувствува мирисот на бензин, и ти смета, или пак ние, овде во Скопје, кои и не знаеме како мириса чистиот воздух?

Темава е голема, и има многу за дебатирање, но јас сериозно почнав да размислувам дали не е време да се преселам од Скопјево, на пример, во Македонски Брод?!

Turkish poem

2008-11-05T22:12:00.001+01:00

Куки ме потести на ова. Одамна не сум го слушала. На времето, пред едно 5-6 години, беше хит, кружеше по мејлови.
Пуштај звучки

пс. Англиската верзија обавезно да се преслуша.

Галерија

2007-03-10T10:12:00.001+01:00
Шетајќи низ

лавиринтот на тивки ликови,

Зјапам во нив,

Додека тие продираат во мојата душата со своите семожни очи,

Откривајќи работи кои вообичаено не ги удостојувам дека постојат.

Ми влагаат во мислите

Се воодушевувам на убавината на луѓето кои ме одминуваат.

Но неможам да ги допрам, ниту со раце

Ниту со моите мисли

Ниту пак со моите зборови,

Тоа ме смирува.

Тие се за мене само ликови

Кои седат треперливо, со мирнотија

Го барам магичниот збор, фразата, говорот

Кој ќе им даде живот

Движење . . .

Не ме плашат

Не ми е страв

Затоа што

Стравот е

незнаење облечено во својата најдобра облека

Стравот е

звукот на тивкото липање

Стравот е

отсуство на вистина и сочувство

Стравот е

заѕидан со слојот на сопствениот сомнеж

Стравот е

само збор кој треба да се смени

Стравот е ограничен

Вербата го манипулира

Милостта го покорува

А надежта лежи некаде од другата страна

Спремна да ја прегрне

Бесконечната животна добрина на овие ликови

Во мојава Галерија

Кој да знае

2007-03-10T10:11:00.001+01:00
Светот е преполн со мистерии

Адвокатот може да биде бумбар

А бумбарот адвокат

Генералот некој кој ја крие човечката вистина

Војникот татко кој никогаш го немал

Љубовникот син или невидлива душа

Месечината чипка

Приказната замка

Човекот дух

Духот некој

Цветот симбол

Вистината лага

Свештеникот ѓавол

Цртежите пријатели

Свеќата недостаток на светло

Парфемот смрдеа на рушевини

А пукнатините отвори кон иднината

Погледот товар на минатото

Ѕидот зрак на надеж

Каменот неизречена поема

Говорот капки од вода

Патувањето одмор

Одморот патување

Домот затвор

Кругот амајлија

Одбивањето одобрување

. . .

. . Светот е…

Филм без екран

Лет

2007-03-10T10:10:00.001+01:00
Како душата да ми е отсликана на облак

А времето да се вратило набрзина низ годините

Во оние неодредени моменти од мојата младост

Беше тоа време на летање

Украдени моменти на слободен ум

Искушенија завиткани во копрена

Таму каде што имагинацијата не познаваше граници

И каде што мислите се испреплетуваа

Но како се вртеа страниците на мојот живот

Летот стануваше пореален

Посигурен, похармоничен

Меѓу соништата одамна одсонувани

Каде се споивме во едно

И ја отклучивме вратата на космосот

А таму, не чекаше мудроста

За да ни покаже каде се одговорите

Пребарај тивко во моето Јас

Што седи спокојно до изворот на животот

И ќе најдеш долг пат

Кој води до твоето Јас

Шивачот и Конецот

2007-03-10T10:05:00.000+01:00
Ако животот е повеќе од

Серија на неповрзани случки

Тогаш кој е шивачот

А што е конецот

Понекогаш бараме

Но не наоѓаме

Понекогаш гледаме

Но не регистрираме

Понекогаш прашуваме

Но не постои одговор

За оваа голема замрсеност

Некој вели тоа е судбина

Некој го нарекува карма

Но јас мислам дека ние имаме поголемо влијание

Отколку што веруваме

Ако застанемш доволно далеку

Полесно ќе ја видиш таписеријата

И со секоја извлечена игла

Сцената е покомплетна

А сепак, секој од нас

Сам ги одбира боите на конецот

Секој од нас

Сам го одбира везот со конецот

Каков конец ќе користиш

конец цврст и светол?

Дали ќе биде тоа конец

Кој јасно го прикажува животот?

Или пак ќе превземеш поголем ризик

И ќе му го дадеш конецот

На некој друг

Дозволувајќи му

Да го извезе твојот живот

Што и да одбереш

Какви и да се последиците

Изборот е Твој

А секој избор има своја цена

ВИСТИНАТА

2007-03-10T10:04:00.001+01:00
Вистината! Што е Вистината? И дали ја има?

Ако ја има, каде е доказот?

Дали е тоа нешто што се открива?

Дали го следи величествениот божествен приказ?

И дали Вистината останува иста низ времето?

Постои ли Вистина и во овие редови?

Дали е релативна, или е само во нашиот ум?

Или пак, дали е во објективноста на она што го наоѓаме?

Дали е тоа Веритас која Пилате ја изговарал?

Или непознатите форми кој Сократ ги изрекол?

Вистината, што е Вистината? Може ли да се најде?

Дали можеби останува скриена во светот на лагите?

Тајните ги закопуваме и колку подлабоко копаме

Наидуваме на темнината од непознатото

Што ни ги обвиткува мислите и создава забуни.

Дали вистината некогаш ќе се претвори во звук?

Во Тишината

2007-03-10T09:59:00.000+01:00
Со нејзината главичка
на моето рамо,
мојата внука спие.
Во тишината
ја држам, а таа спие
Мојот образ е на нејзиното чело
Јас сум како виолинист
кој го оставил настрана своето гудало
И стои мирно
преплавен
со сопствената музика.

Јас Повторно

2007-01-19T14:49:00.000+01:00

говорникот

во мојот ум

што ме мотивира

се расфрла

не прекинува да говори

но,

дава смисол,

прави промена

да верувам

дека можам повеќе

дека сум повеќе

и со четката од зборови

да ја допрам вистината

да додадам и бои

некои светли и ретки бои

во мали нијанси и сенки

и да ги врамам

во очите на читателот

да извајам мисли

до дијамантска перфекција

и да се обидам

да внесам ново сфаќање

за овој неперфектен свет

ОКО

2007-01-18T22:08:00.000+01:00

Leonova

Here

ОВДЕ

ИСТРАЖИ ЈА ДРЕВНА МАКЕДОНИЈА

Црната и белата кутија

СЕКИРАЦИИ

Животите кои ги живееме

Логика

Таа

Македонски ЕВЕРГРИНИ

Краток, но ефикасен КУРС

ЦЕР

Пица деливери

Ако денес ви фалат ...

Leonova: Лек за Рецесија

Лек за Рецесија

Филтер Југославија

Мали мудрости

РУЧЕК НА ОБЛАКОДЕРОТ

Избројте ги жабите

Траги во снегот

Нова година... нови почетоци...

Една од добрите работи кога влегуваме во нова година е можноста да се ослободиме од минатото и да погледнеме пред нас, во иднината. Време е за промени.

Магарето

Приказна за Магарето и Перцепцијата

"Кога ќе го смениш начинот на кој гледаш на работите, тие, работите во кои гледаш, се менуваат."

Затоа, не се грижете многу за зборовите на останатите, се додека совеста ви е чиста.

Новогодишна

Новогодишна

И можеби животот не е забавата

Добриот живот започнува тогаш кога ќе престанеме да бараме подобар.

Верувајте во неверојатната моќ на се’ што ќе ви се најде на патот во новата година.

Драги мои, имајте убава година

A letter to Santa

Најсреќни моменти во животот

Шеќерни Колачиња

Основен рецепт за шеќерни колачиња

ДЕКОРИРАЊЕ со боја:

ДЕКОРИРАЊЕ со „стакло„ - Стаклени колачиња

ДЕКОРИРАЊЕ со шеќер во прав

Приказна за Дедо Мраз

Other words

Vanity or Pride

All that art

My Macedonia

Write or Die!

Старо, но добро

Undo

2009

Кристијан

Скопје или Село? Или Македонски Брод?

Turkish poem

Галерија

Кој да знае

Лет

Шивачот и Конецот

ВИСТИНАТА

Во Тишината

Јас Повторно

ОКО